Lasosyasyon A.P.E.C.L.A.R.(Association pour la Promotion et l'Etude des Cultures et Langues Régionales), lasosyasyon G.E.R.E.C. (Groupe d'Etudes et de Recherches en Espace Créolophone) ké lasosyasyon RAKABA, bay li roun koullanmen. Men ladikté yé bay lannen 1994.

Si zòt vini tan kannaval, zòt ké wè touloulou di mo péyi. Soti lésanmdi aswè, alé koté Nana. Lédimanch aprémidi, a lari i ka mi. Mé bagaj ki chwit ! Dipi lésanmdi to ka anmizé ké défoulé tokò.

Annan bal parémaské-ya, sa ki laro, asou ban-yan, ka gadé sa ki ka pasé ; sa ki alantou pis-a ka antann ki roun touloulou vin fè yé dansé. Atò to vini bwè dilèt, to pa vini konté vo annan pak. Alò panga to lévé mas touloulou-ya¹.

Lò senkèr bonmanten sonnen to pouvé pran to ti vidé jouk sizèr ké roun bon ti blaf poson dèyè sa.

Lédimanch, a la to pouvé wè tout nou touloulou-ya : nègmaron, jwéfarin, lanmò, béf, bobi, anglébannan, zonbibaréyo ké grotèt-ya.

Pou fini sa, to ka pran vidé lédimanch aswè.

A sa ki sa kannaval di mo koté.