Tig rété èstébékwé. I té lé wè si so konpè pa té ka mantò. Lanmenm, i fè roun plan anlè Manjòfronmi.
-Konpè, gadé, mo fanm bouyi roun frikasé maypouri. Vini a  kaz manjé non ?

A, konpè manjòfronmi anmèrdé atò, zòt byen savé i pa ka manjé vyann.

-Pa gen pro konpè ! di Tig.

A, Manjòfronmi blijé alé atò, men i ka manjé ké konpè tig.

Konpè tig menm voras, i plen so kwi ké manjé, épi i fè trandé maché san pran van .

Lò konpè tig so vant plen kaba, i doumandé so konpè :
-Ou byen manjé konpè ?
-Woy woy woy, fout i té bon, mo anflé, réponn Manjòfronmi.
-Annou gadé wè si ou pou ka mantò Nou ka kaka !

Men li pa kouyon. Ké so bi papa latcho, i voyé so kaka dèyè Tig épi i mété sa di Tig anba so gogo.

La i di :
-Gadè tig . A kaka vyann mo ka kaka. Mo di'w a sa mo kontan manjé. A tig, to wè, si mo pa té angwé, mo té ké valé to flap!!!

A sa ki fèt, ki jodla, Tig pè Manjòfronmi, i pa ka menm bòrdé li olarj.